कुंडी खरेदी करायला गेले पुण्यातील 3 तरुण; दुकानदारानं पैसे कमी न केल्याचा राग, कुंडी डोक्यात घालत धक्कायक कांड

राजेश चिमाजी वामन (वय ४५, रा. चऱ्होली बु.) यांचा कुंड्या विक्रीचा व्यवसाय आहे. मंगळवारी सायंकाळी साडेपाच वाजताच्या सुमारास आरोपी ऋषिकेश विठ्ठल तापकीर (वय २५, रा. वडमुखवाडी) हा त्याच्या दोन साथीदारांसह कुंडी खरेदी करण्यासाठी वामन यांच्या दुकानात आला होता. कुंडीच्या किमतीवरून त्यांच्यात वाद झाला. आरोपींना कुंडी कमी दरात हवी होती, मात्र व्यापाऱ्याने नकार देताच वादाचे रूपांतर हाणामारीत झाले.

संतापलेल्या आरोपींनी राजेश वामन यांना अश्लील शिवीगाळ करत लाथाबुक्क्यांनी बेदम मारहाण केली. एवढ्यावरच न थांबता, दुकानातील एक जड कुंडी उचलून व्यापाऱ्याच्या डोक्यात घातली. या हल्ल्यात वामन यांच्या डोक्याला गंभीर इजा झाली असून ते रक्ताच्या थारोळ्यात पडले होते.