थंडीचा कडाका वाढला, पिंपरी-चिंचवडमध्ये शाळेच्या वेळा बदलल्या, पाहा नवं वेळापत्रक

हिवाळ्यात दिवस लवकर संपत असल्याने सायंकाळी अंधार पडतो. शाळा सुटल्यानंतर अनेक विद्यार्थ्यांना घरी पोहोचेपर्यंत अंधाराचा सामना करावा लागतो. यामुळे पालकांमध्येही चिंतेचे वातावरण निर्माण होत होते. ही बाब लक्षात घेऊन महापालिकेच्या शिक्षण विभागाने शाळांच्या वेळांमध्ये बदल करण्याचा निर्णय घेतला आहे. त्यामुळे विद्यार्थ्यांना सुरक्षितपणे शाळेत ये-जा करता येणार असून पालकांनाही दिलासा मिळणार आहे.