पुणेकरांनो, रात्रीच्या अंधारात घराबाहेर पडताना सावधच राहा, तरुणाला रस्त्यात अडवून दोघांचं धक्कादायक कांड

मिळालेल्या माहितीनुसार, फिर्यादी बिपीन नंदलाल चौधरी (वय 28, रा. मोशी) हे रविवारी (8 फेब्रुवारी) सायंकाळी साडेसहाच्या सुमारास संतनगर चौक ते जय गणेश साम्राज्य चौक या दरम्यान पायी चालले होते. यावेळी दुचाकीवरून आलेल्या दोन भामट्यांनी त्यांना रस्त्यात अडवले. काही समजण्याच्या आतच आरोपींनी त्यांना धमकावत त्यांच्या खिशातील ८ हजार रुपयांची रोख रक्कम जबरदस्तीने हिसकावून घेतली आणि घटनास्थळावरून पळ काढला.

लूटमार झाल्यानंतर बिपीन चौधरी यांनी तत्काळ एमआयडीसी भोसरी पोलीस ठाणे गाठून फिर्याद दिली. पोलिसांनी गुन्ह्याचे गांभीर्य ओळखून तपास सुरू केला आणि यातील एका आरोपीचा शोध लावला. मनोज काळुराम गायकवाड (वय ३४, रा. ताडीवाला रोड, पुणे) असे अटक करण्यात आलेल्या आरोपीचे नाव आहे. या गुन्ह्यात त्याला साथ देणाऱ्या दुसऱ्या आरोपीचा शोध सध्या पोलीस घेत आहेत.