Pune News: हेलिकॉप्टरने चारधाम यात्रा; पुणेकरांनी भरले लाखो रूपये, पुढं घडलं असं की झोप उडाली

एकूण ५४ लोकांपैकी २८ जणांना आरोपी यात्रेला घेऊन गेला होता. मात्र तिथेही त्याने खोटी आश्वासने दिली. हेलिकॉप्टर सफारीसाठी १६ लोकांकडून प्रत्येकी १५ हजार रुपये जास्तीचे घेऊनही त्यांना कोणतीही सेवा पुरवली नाही. उर्वरित २६ पैकी केवळ ५ जणांचे पैसे परत करण्यात आले. मात्र, २१ जणांचे मूळ ९ लाख ४५ हजार रुपये आणि १६ जणांच्या हेलिकॉप्टर सुविधेचे २ लाख ४० हजार रुपये, असा एकूण ११ लाख ८५ हजार रुपयांचा अपहार करून आरोपीने पोबारा केला.

पैसे परत न मिळाल्याने अखेर ज्येष्ठ नागरिकांनी पोलिसांत धाव घेतली. सांगवी पोलिसांनी योगेश देशमुख विरुद्ध फसवणुकीचा गुन्हा नोंदवला असून, या रॅकेटमध्ये अजून कोणाचा सहभाग आहे का, याचा तपास पोलीस करत आहेत.