Pune Crime : आठ दिवसांपूर्वीच पुण्यात आली अन् ख्रिसमसच्या दुसऱ्या दिवशी पतीने काढला काटा! हडपसरमध्ये काय घडलं?

Pune Hadapsar Crime News : पुण्यात गेल्या काही दिवसांपासून गुन्हेगारीचं प्रमाण मोठ्या प्रमाणात वाढलं आहे. अशातच पुणे शहरात एका धक्कादायक घटनेने खळबळ उडाली असून, कौटुंबिक वादाचे रूपांतर एका भीषण गुन्ह्यात झाले आहे. हडपसर भागातील भेकराईनगर परिसरात एका विवाहितेचा अंत झाला असून, या घटनेमुळे संपूर्ण हडपसरमध्ये हळहळ व्यक्त केली जात आहे. संशयाचे भूत डोक्यात संचारल्याने एका सुखी संसाराची राखरांगोळी झाली असून, आरोपीने आठ दिवसांपूर्वीच बायकोला माहेराहून आणलं होतं.