Pune Fraud : मॅट्रिमोनियल साईटवर भेटला उच्चशिक्षित जयेश; फक्त 2 महिन्यांची ओळख अन् पुण्यातील महिलेनंही विश्वास ठेवला, शेवटी नको ते घडलं

पिंपरी-चिंचवड : आपल्याला लग्नासाठी चांगला जोडीदार मिळावा,अशी प्रत्येकाची इच्छा असते. कोणी ओळखीतून,कोणी मैत्रीतून तर कोणी ऑनलाईन पद्धतीनं आपलं प्रेम शोधत असतं. मात्र, हे कधीकधी किती घातक ठरू शकतं, याचा प्रत्यय देणारी एक घटना नुकतीच समोर आली आहे. यात विवाह जुळवणाऱ्या संकेतस्थळावरून (Matrimonial Site) ओळख करून एका भामट्याने महिलेला तब्बल २७ लाख रुपयांना गंडा घातल्याची खळबळजनक घटना घडली आहे. ही घटना ताथवडे परिसरात समोर आली आहे. स्वतःला इस्रोचा (ISRO) वैज्ञानिक असल्याचे भासवून या भामट्याने ही फसवणूक केली. याप्रकरणी आदर्श प्रशांत म्हात्रे उर्फ जयेश पाटील (वय ३६, रा. अलिबाग) याच्याविरुद्ध वाकड पोलीस ठाण्यात गुन्हा दाखल करण्यात आला आहे.