बहीण-भाऊ अंगणात खेळत होते; पण काळ धावून आला अन् क्षणात गायब झालं ते निरागस हास्य, चिमुकलीचा मृ्त्यू

मिळालेल्या माहितीनुसार, मूळचे उत्तर प्रदेशातील असलेले राधेशाम भारती हे भोरमधील पिराचा मळा येथील एका खासगी कंपनीत कामाला आहेत. रविवारी त्यांची मुलगी पायल राधेशाम भारती (वय ८) आणि मुलगा लवकुश राधेशाम भारती (वय ६) हे घरासमोरील अंगणात झाडाच्या सावलीत खेळत होते. त्याचवेळी रस्त्यावरून जाणाऱ्या एका भरधाव टेम्पो चालकाचे वाहनावरील नियंत्रण सुटले. अनियंत्रित झालेला टेम्पो रस्ता सोडून थेट घराच्या अंगणात घुसला आणि खेळत असलेल्या मुलांना जोराची धडक दिली.

घटनेनंतर स्थानिक नागरिकांनी घटनास्थळी मोठी गर्दी केली होती. याप्रकरणी भोर पोलिस स्टेशनमध्ये अपघाताचा गुन्हा दाखल झाला असून पोलीस पुढील तपास करत आहेत. भरधाव वेगाने वाहने चालवणाऱ्या चालकांमुळे निष्पाप जीवांना आपला जीव गमवावा लागत असल्याने परिसरात संताप व्यक्त केला जात आहे.