पुणेकरांनो आता सावधच राहा! बिबवेवाडीत थेट घराच्या बेडरूममध्ये घुसून अज्ञातांचं धक्कादायक कांड, परिसरात खळबळ

बिबवेवाडीतील महेश सोसायटीत राहणारे एक ज्येष्ठ नागरिक रविवारी काही कामानिमित्त घराला कुलूप लावून बाहेर गेले होते. घर बंद असल्याचं पाहून पाळत ठेवून असलेल्या चोरट्यांनी संधी साधली. अज्ञात चोरट्यांनी घराचं कुलूप तोडून आत प्रवेश केला आणि बेडरूममधील कपाट उचकटलं. कपाटात ठेवलेले सोन्याचे मौल्यवान दागिने आणि रोख रक्कम असा एकूण १६ लाख १३ हजार रुपयांचा मुद्देमाल घेऊन चोरटे पसार झाले.

तक्रारदार घरी परतल्यानंतर त्यांना घराचं कुलूप तुटलेलं दिसलं. घरात प्रवेश करताच कपाटातील सामान अस्ताव्यस्त पडलेलं आणि दागिने गायब असल्याचं त्यांच्या निदर्शनास आलं. याप्रकरणी त्यांनी तातडीनं बिबवेवाडी पोलीस ठाण्यात धाव घेऊन फिर्याद दिली आहे.