महापौर निवड होताच पहिली कारवाई! पुणे भाजपमध्ये मोठी 'साफसफाई', माजी नगरसेवकासह 69 जणांची हकालपट्टी

पुणे: महापौर निवड होताच भाजपने पुण्यात पहिली कारवाई केली आहे. महापालिका आणि विधानसभा निवडणुकांच्या पार्श्वभूमीवर भारतीय जनता पक्षाने शहरातील बंडखोर नेत्यांविरुद्ध कठोर पाऊल उचलले आहे. पक्षाची शिस्त मोडीत काढून उमेदवारीसाठी बंडाचे निशाण फडकवणाऱ्या आणि पक्षविरोधी कारवाया करणाऱ्या तब्बल ६९ जणांचे सदस्यत्व ६ वर्षांसाठी रद्द करण्यात आले आहे. या धडाकेबाज निर्णयामुळे राजकीय वर्तुळात मोठी खळबळ उडाली आहे.