पुणे हादरलं! रस्त्यावर महिलेचा मृतदेह; अत्याचाराचा संशय, पण मध्यरात्रीचं ते CCTV फुटेज पाहून सगळ्यांचा उडाला थरकाप

मूळच्या नांदेड येथील असलेल्या शोभा विजय वाघमारे या सोमवारी (१६ मार्च) मध्यरात्री दोनच्या सुमारास उड्डाणपुलाखालील सर्व्हिस रोडने जात होत्या. यावेळी अचानक सहा कुत्र्यांच्या टोळक्याने त्यांना घेरले. शोभा यांनी दगड उचलून प्रतिकार करण्याचा प्रयत्न केला, मात्र या हिंस्त्र कुत्र्यांपुढे त्यांचा निभाव लागला नाही. कुत्र्यांनी त्यांच्या अंगावरील कपडे फाडून काढले आणि हात, पाय, मान तसंच तोंडाचे लचके तोडण्यास सुरुवात केली. सुमारे १५ मिनिटे हा मृत्यूचा तांडव सुरू होता. प्रचंड रक्तस्रावामुळे शोभा यांनी जागीच प्राण सोडले.