5 स्टार हॉटेलमध्ये लग्न, पण वर्षाआधीच बिनसलं, जोडपं परदेशात अन् दोघांच्या आईंनीच केला घटस्फोट!

पुणे: गेल्या काही वर्षांपासून घटस्फोटाच्या प्रकरणांमध्ये मोठी वाढ पाहायला मिळत आहे. मुलांचा संसार सुखाचा व्हावा म्हणून आई-वडील सातत्याने प्रयत्न करत असतात. मुलांच्या आनंदासाठी ते कोणतीही गोष्ट करण्यास मागेपुढे पाहत नाहीत. पुण्यातील एका घटस्फोटाच्या प्रकरणात असाच एक प्रकार पाहायला मिळाला. मुलांच्या सुखासाठी विवाह जमवून दिलेल्या या जोडप्याच्या घटस्फोटाच्या प्रक्रियेसाठी दोन्ही कुटुंबातील आई न्यायालयात हजर राहिल्या आणि त्यांच्या उपस्थितीत घटस्फोटाची प्रक्रिया पार पडली. या जोडप्याचा संसार अवघ्या वर्षभरातच तुटला आहे.