Pune Crime : पुण्यातील शनिवार पेठेत 80 वर्षीय आईवर चाकूने वार, अविनाश दारुच्या नशेत घरी आला अन्...

ही घटना शनिवारी रात्री दहाच्या सुमारास मेहुणपुरा येथील अंकुश सोसायटीत घडली. पोलिसांच्या माहितीनुसार, आरोपी अविनाश, त्याची आई कुसुम आणि तक्रारदार आशिष एकाच सोसायटीत राहतात. त्यांच्यात मालमत्तेवरून वाद सुरू होता.

घटनेच्या रात्री अविनाश दारू पिऊन घरी आला. त्याने आईसोबत भांडण सुरू केले. रागाच्या भरात त्याने आईच्या चेहऱ्यावर आणि डोक्यावर चाकूने वार केले. आजीला वाचवण्यासाठी आशिष समेळ धावले असता, अविनाशने त्यांच्यावरही चाकूने हल्ला केला. पोलिसांनी तात्काळ घटनास्थळी पोहोचून अविनाशला अटक केली. त्याच्याविरुद्ध खुनाचा प्रयत्न केल्याचा गुन्हा दाखल करण्यात आला आहे. गंभीर जखमी झालेल्या कुसुम साप्ते यांच्यावर सध्या रुग्णालयात उपचार सुरू आहेत.