धक्कादायक! पुण्यात पोलीस अधिकाऱ्याचा लाचखोरीचा 'मुळशी' पॅटर्न; 35 हजारासाठी खाकीचा 'इमान' डळमळला
- Published by:Kiran Pharate
- local18
Last Updated:
एका गुन्ह्यामध्ये गाडी जप्त न करण्यासाठी आणि तपासात प्रत्यक्ष मदत करण्यासाठी शिंदे यांनी १ लाख रुपयांच्या लाचेची मागणी केली होती.
पुणे : ज्यांच्या खांद्यावर कायद्याचे रक्षण करण्याची जबाबदारी आहे, तोच पोलीस अधिकारी भ्रष्टाचाराच्या वाटेवर गेल्याचा धक्कादायक प्रकार पुण्यात समोर आला आहे. मुळशी तालुक्यातील पौड पोलीस ठाण्यातील सहाय्यक पोलीस उपनिरीक्षकाने एका आरोपीला मदत करण्यासाठी लाचेची मागणी केली. मात्र, लाचलुचपत प्रतिबंधक विभागाने (ACB) सापळा रचून या भ्रष्ट अधिकाऱ्याला ३५ हजार रुपये घेताना रंगेहात पकडलं.
नेमकी घटना काय?
सचिन बाळासाहेब शिंदे असे लाच घेणाऱ्या पोलीस अधिकाऱ्याचे नाव आहे. एका गुन्ह्यामध्ये गाडी जप्त न करण्यासाठी आणि तपासात प्रत्यक्ष मदत करण्यासाठी शिंदे यांनी १ लाख रुपयांच्या लाचेची मागणी केली होती. "रक्षकच जेव्हा अशा प्रकारे वसुलीला उतरतात, तेव्हा सामान्यांनी कोणाकडे पाहायचे?" असा सवाल या घटनेनंतर उपस्थित होत आहे.
advertisement
एसीबीचा 'मुळशी' पॅटर्न
तक्रारदाराने या लाचेबाबत पुण्याच्या लाचलुचपत प्रतिबंधक विभागाकडे दाद मागितली होती. त्यानुसार, उपअधीक्षक प्रशांत चौगुले यांच्या पथकाने शुक्रवारी सायंकाळी मुळशी परिसरात सापळा रचला. ठरल्याप्रमाणे लाचेचा पहिला हप्ता म्हणून ३५ हजार रुपये स्वीकारताना सचिन शिंदे यांना पथकाने झडप घालून ताब्यात घेतले. या कारवाईमुळे पुणे ग्रामीण पोलीस दलात मोठी खळबळ उडाली आहे.
advertisement
गुन्हा दाखल आणि तपास
रात्री उशिरा शिंदे यांच्याविरुद्ध भ्रष्टाचार प्रतिबंधक कायद्यान्वये पौड पोलीस ठाण्यातच गुन्हा नोंदवण्यात आला आहे. पोलीस निरीक्षक शैलजा शिंदे या प्रकरणाचा पुढील तपास करत आहेत. केवळ पुणेच नव्हे, तर बीडमध्येही काल अशाच प्रकारे एका तहसीलदाराला लाच घेताना पकडण्यात आले, ज्यामुळे महसूल आणि पोलीस अशा दोन्ही विभागांतील 'भक्षक' प्रवृत्ती उघड झाली आहे.
Location :
Pune,Maharashtra
First Published :
Feb 21, 2026 1:37 PM IST
मराठी बातम्या/पुणे/
धक्कादायक! पुण्यात पोलीस अधिकाऱ्याचा लाचखोरीचा 'मुळशी' पॅटर्न; 35 हजारासाठी खाकीचा 'इमान' डळमळला
