पोलिसाच्या मोबाईलवर आली ती जाहिरात; एक क्लिक अन् मोठा गेम, डी-मार्टमध्ये जाताच बसला धक्का

दुसऱ्या दिवशी, १२ डिसेंबर रोजी हे पोलीस हवालदार डी-मार्टमध्ये शॉपिंगसाठी गेले होते. बिल भरताना त्यांनी गुगल पे ओपन केले असता, त्यांच्या खात्यातून ४१ हजार आणि ३० हजार असे एकूण ७१ हजार रुपये परस्पर डेबिट झाल्याचे दिसले. हे पैसे यशराज बैरागी नावाच्या व्यक्तीच्या खात्यात ट्रान्सफर झाले होते.

कोरेगाव पार्क पोलीस ठाण्यातील सायबर कक्षाने या अर्जाची चौकशी केली असता, हा व्यवहार मध्य प्रदेशातील शाजापूर येथील यशराज बैरागी याच्या खात्यावर झाल्याचे निष्पन्न झाले आहे. वरिष्ठ पोलीस निरीक्षक विजयराज डोके या प्रकरणाचा पुढील तपास करत आहेत. या घटनेमुळे उच्चशिक्षित आणि सरकारी यंत्रणेतील व्यक्तींनीही अज्ञात लिंकवर क्लिक करताना सावध राहण्याचे आवाहन पोलिसांनी केले आहे.