Pune Accident : पुण्यातील मुळशीत भीषण अपघात! भरधाव टेम्पोने पाच गाड्यांना उडवलं, काळजाचा ठोका चुकवणारा CCTV Video समोर

नियंत्रण सुटलेल्या भरधाव आयशर टेम्पोने रिक्षा, कारसह दोन दुचाकींना टेम्पोने धडक दिल्याचं पहायला मिळालं. यामध्ये 1 दुचाकीस्वाराच्या पायावरून चाकं गेल्यानं त्यात तो गंभीर जखमी झालाचं पहायला मिळालं. टेम्पो पायावरून गेल्यानंतर जखमी झालेला तरुण वेदनेने तडफडत होता. तर या अपघातात इतर 4 ते 5 जण किरकोळ दुखापत होऊन जखमी झाले आहेत. तर धडक बसलेल्या वाहनांचही यात मोठं नुकसान झाल्याचं पहायला मिळतंय. सुदैवाने याच कुणाचाही मृत्यू झाला नाही.

दरम्यान, आता याचं घटनेचा थरकाप उडवणारा सीसीटीव्ही व्हिडीओ समोर आलाय. यामध्ये भरधाव वेगाने येणाऱ्या टेम्पोने दुचाकी स्वारांना उडवतानाचं दृश्य कैद झालयं. लाल रंगाचा टेम्पो भरधाव वेगात आला अन् दुचाकीवरून जात असलेल्या दोन गाड्यांना उडवलं. मुळशी पोलीस या प्रकरणाचा अधिक तपास करत असून टेम्पो चालकावर योग्य ती कायदेशीर कारवाई करण्याची प्रक्रिया सुरू आहे. या मार्गावरील अवजड वाहनांच्या वेगावर नियंत्रण ठेवण्याची मागणी आता स्थानिक नागरिकांकडून केली जात आहे.