संसारात 'तिसरी'ची एन्ट्री, पतीनं स्टेटसवरही बिनधास्त टाकले फोटो; पुण्यातील पत्नीने अशी घ़डवली अद्दल की सगळीकडे चर्चा

पुणे : कायदेशीर पत्नी घरात असताना दुसरे लग्न करणे आणि त्याचे सोशल मीडियावर प्रदर्शन करणे एका पतीला चांगलेच महागात पडले आहे. दुसऱ्या पत्नीसोबतचे फोटो आणि स्टेटस अपडेट करून पहिल्या पत्नीचा मानसिक छळ करणाऱ्या पतीसह तब्बल १० जणांवर लोणी काळभोर पोलीस ठाण्यात गुन्हा दाखल करण्यात आला आहे. विशेष म्हणजे, या प्रकरणातील 'दुसरी पत्नी' सध्या जिल्हा परिषद निवडणुकीत एका राष्ट्रीय पक्षाकडून नशीब आजमावत असून, या गुन्ह्यामुळे त्यांच्या अडचणीत मोठी वाढ झाली आहे.