Pune Metro: वाहतूक कोंडी विसरा! आता पुण्याच्या एका टोकापासून दुसऱ्या टोकापर्यंत सुसाट प्रवास; मेट्रो 4 बाबत मोठी अपडेट

पुणे: पुणे शहराच्या सार्वजनिक वाहतुकीत क्रांती घडवून आणणाऱ्या मेट्रो प्रकल्पाच्या विस्ताराला आता खऱ्या अर्थाने वेग आला आहे. महाराष्ट्र सरकारने हडपसर ते खडकवासला (मार्गिका क्र. ४) आणि वनाझ ते रामवाडी मार्गिकेचा विस्तार असलेल्या माणिकबाग ते नळस्टॉप या उपमार्गिकेला सुधारित प्रशासकीय मान्यता दिली आहे. या निर्णयामुळे सिंहगड रस्ता, सोलापूर रस्ता आणि हडपसर परिसरातील भीषण वाहतूक कोंडी फुटण्यास मोठी मदत होणार आहे.