5 वर्षांचा वनवास संपला! 45 नव्या ई-बसमुळे बाणेरसह पुण्यातील या भागातील प्रवाशांची चांदी, कसा मिळणार फायदा?

पुणे : पुणे महानगर परिवहन महामंडळाच्या (पीएमपी) ताफ्यात तब्बल पाच वर्षांच्या प्रतीक्षेनंतर अखेर ४५ नवीन ई-बस दाखल झाल्या आहेत. २०२१ पर्यंत या बस येणे अपेक्षित होते, मात्र 'ई-डेपो'च्या कामातील विलंबामुळे २०२६ साल उजाडले तरी या बसची प्रतीक्षा होती. आता या ४५ बसमुळे पुण्यातील सार्वजनिक वाहतुकीवरचा ताण हलका होणार असून, उर्वरित ११० बस देखील पुढील दोन महिन्यांत येण्याची शक्यता आहे.