Pune Parking: पुणेकर पार्किंगचा प्रश्न सुटला! मेट्रोला मिळाल्या 20 जागा, इथं गाडी लावा अन् बिनधास्त मेट्रोने जावा!

पुणे : पुणे शहरातील स्वारगेट ते पिंपरी-चिंचवड आणि वनाज ते रामवाडी मार्गावर मेट्रो सेवा सुरू आहे. पण याठिकाणी प्रवाशांना पार्किंगची मोठी अडचण भासत आहे. या मेट्रो मार्गांचा आराखडा तयार करताना महामेट्रोकडून पार्किंगच्या सुविधा विचारात घेतल्या गेल्या नव्हत्या. त्यामुळे प्रवाशांना वाहन रस्त्यावरच उभं करावं लागत आहे, ज्यामुळे परिसरात वाहतुकीची कोंडी निर्माण होत आहे. आता या परिस्थितीचा विचार करून महापालिकेकडून महामेट्रोला मेट्रो स्थानकांच्या आसपास 20 अतिरिक्त पार्किंग जागा उपलब्ध करून दिल्या जाणार आहेत.