Hinjawadi Daily Traffic : मोठी बातमी! हिंजवडीतील वाहतूक कोंडी सुटणार; गर्दीच्या वेळी रस्त्यावर राबवणार मेगा प्लॅन

पिंपरी : पिंपरी-चिंचवडमधील राजीव गांधी माहिती आणि तंत्रज्ञान नगर परिसरात सकाळी आणि संध्याकाळी वाहतूक कोंडी सोडवण्यासाठी महत्त्वपूर्ण पावले उचलली जात आहेत. वाकड ते हिंजवडी मार्गावर वाहतूक सुरळीत करण्यासाठी प्रायोगिक तत्त्वावर नवीन योजना राबवली जाणार आहे. याअंतर्गत सकाळच्या वेळेस वाकडहून हिंजवडीकडे जाणाऱ्या मार्गावर तीन मार्गिकांवर वाहतूक केली जाईल. त्याचप्रमाणे संध्याकाळच्या वेळेस हिंजवडीहून वाकडकडे तीन मार्गिकांवर वाहतूक होईल. या बदलांसाठी रस्त्यात असलेले दुभाजक काढले जातील आणि ठिकठिकाणी साइनबोर्ड लावले जातील जेणेकरून वाहनचालकांसाठी मार्ग स्पष्ट राहील.