कारागिरावर विश्वास ठेवणं भोवलं; दागिने घडवायला दिले, पण..., पुण्यातील सराफा व्यावसायिकाला धक्काच बसला

पुणे : सोन्या-चांदीच्या किमतींमध्ये प्रचंड वाढ झाली आहे. त्यामुळे दागिने चोरीच्या घटनाही मोठ्या प्रमाणात वाढल्या आहेत. आता अशीच आणखी एक घटना समोर आली आहे. यात पुण्यातील गजबजलेल्या रविवार पेठ परिसरात एका सराफा व्यावसायिकाच्या विश्वासाला तडा गेल्याची घटना समोर आली आहे. त्यांच्याकडेच काम करणाऱ्या एका कारागिराने सोन्या-चांदीच्या कामाचा हातखंडा वापरण्याऐवजी चक्क १ लाख ४० हजार रुपये किमतीचे चांदीचे मुखवटे चोरून पोबारा केला आहे. याप्रकरणी खडक पोलिसांनी राजस्थानमधील उदयपूर येथील रहिवासी असलेल्या कारागिराविरुद्ध गुन्हा दाखल केला आहे.