Prasad Jawade: 'पारू' फेम प्रसाद जवादेवर कोसळला दुःखाचा डोंगर, सर्वांत जवळच्या व्यक्तीने अर्ध्यावरच सोडली साथ

मुंबई: २०२५ हे वर्ष निरोप घ्यायला अवघे काही दिवस उरले असतानाच, मराठी कलाविश्वातून एक अतिशय चटका लावून जाणारी बातमी समोर आली आहे. 'झी मराठी'वरील लोकप्रिय मालिका 'पारू' मधील मुख्य अभिनेता प्रसाद जवादे याच्यावर दुःखाचा डोंगर कोसळला आहे. गेल्या अनेक महिन्यांपासून मृत्यूशी झुंज देणाऱ्या प्रसादच्या आईचे, प्रज्ञा जवादे यांचे २८ डिसेंबर रोजी निधन झाले. त्या ६५ वर्षांच्या होत्या. या दु:खद बातमीनंतर सिनेसृष्टीत हळहळ व्यक्त केली जात आहे.