बनावट पत्नी, पैशाचा घोळ अन् फसवणूक; रूबी हॉल किडनी रॅकेटप्रकरणात वर्षभरानंतर धक्कादायक खुलासे

या अहवालातून अवयव प्रत्यारोपण प्रक्रियेतील गंभीर त्रुटी आणि फसवणुकीचे प्रकार समोर आले आहेत. मुख्यत्वे, किडनी घेणारा रुग्ण (रिसीव्हर) अमित अण्णासाहेब साळुंखे याने आपल्या खऱ्या पत्नीऐवजी सारिका गंगाराम सुतार या महिलेला कागदोपत्री 'बनावट पत्नी' दाखवून तिची किडनी मिळवल्याचे तपासात निष्पन्न झाले आहे. धक्कादायक बाब म्हणजे, किडनी देण्याच्या व्यवहारात ठरलेले पैसे न मिळाल्याने किडनीदात्या महिलेच्या बहिणीने थेट '१००' नंबरवर फोन करून पोलिसांत तक्रार केली. यासोबतच महिलेला रुग्णालयातून डिस्चार्ज घेण्यास नकार दिल्याचंही तिने सांगितले. त्यानंतरच हे रॅकेट उजेडात आले.