पुण्यातील वृद्धाची आयुष्यभराची पुंजी सायबर चोरट्यांनी चोरली; कॅन्सरग्रस्त पत्नीचे उपचारही थांबले, शेवटी अनपेक्षित घडलं

पुणे : निवृत्तीनंतरचे शांत आयुष्य जगणाऱ्या एका ७० वर्षीय वृद्ध पती आणि ६५ वर्षीय पत्नीला सायबर चोरट्यांच्या क्रूर जाळ्याने घेरले. चोरट्यांनी त्यांच्या आयुष्यातील कष्टाची सर्व पुंजी एका क्षणात हिरावून घेतली. मनी लाँड्रिंगच्या खोट्या प्रकरणात अडकवण्याची आणि अटकेची भीती दाखवून 'डिजिटल अरेस्ट'द्वारे या दाम्पत्याकडून तब्बल १९ लाख ६० हजार रुपये उकळण्यात आले होते. ही घटना सप्टेंबर महिन्यात घडली होती. ज्यानंतर फसवणूक झाल्याचे लक्षात येताच या दाम्पत्याने सायबर सेल आणि कोंढवा पोलिसांकडे धाव घेतली होती.