Pune News: पुण्यात चाललंय काय? तिघांनी वाहतूक पोलिसाला कानशिलात लगावली; मग कपडे फाडले, शेवटी...

सिंहगड रस्ता वाहतूक शाखेचे पोलीस हवालदार राजेंद्र सेंगर हे मंगळवारी सायंकाळी धायरी फाटा येथे कर्तव्य बजावत होते. यावेळी एकाच दुचाकीवरून तीन तरुण (ट्रिपल सीट) येत असल्याचे पाहून सेंगर यांनी त्यांना थांबवले आणि दंडात्मक कारवाई करण्यास सुरुवात केली. आपल्यावर दंड का केला, या रागातून लकी गौरव आनंद (२१), साहिल प्रकाश चिकणे आणि श्रावण रमेश हिरवे या तिघांनी पोलिसांशी हुज्जत घातली. वादाचे रूपांतर हाणामारीत झाले आणि आरोपी श्रावण हिरवे याने हवालदार सेंगर यांच्या कानशिलात लगावली. इतकेच नव्हे तर, आरडाओरडा करत या तिघांनी हवालदाराचा गणवेश फाडून शासकीय कामात अडथळा आणला.