Pune News: महिलांनो, लग्नात सोन्याचे दागिने घालून जात असाल तर सावधान! पुण्यातून चोरीची धक्कादायक घटना समोर

पुणे: सध्या लग्नसराईचे दिवस असून मंगल कार्यालयांमध्ये लोकांची मोठी गर्दी होत आहे. मात्र, याच गर्दीचा फायदा घेत चोरटे सक्रिय झाले आहेत. पुण्यातील क्वीन्स गार्डन परिसरातील एका नामांकित मंगल कार्यालयातून एका ५० वर्षीय महिलेचे १ लाख ४० हजार रुपये किमतीचे सोन्याचे मंगळसूत्र चोरट्यांनी शिताफीने लांबवले आहे. या घटनेमुळे लग्नकार्यात दागिने सांभाळणे आता मोठे आव्हान ठरत आहे. सोन्याच्या किमती प्रचंड वाढलेल्या असताना अशा प्रकारच्या चोरीच्या घटनांमध्येही मोठी वाढ होताना दिसत आहे.