Bigg Boss Marathi 6 Elimination: BB Marathi 6: वोटिंगमध्ये सर्वात मागे, प्रेक्षकांचीही पाठ, सलग दुसऱ्यांदा डेंजर झोनमध्ये! आज कुणाचा गेम ओव्हर होणार?

या आठवड्यात राकेश बापट, सचिन कुमावत, शेळके, दिपाली सय्यद, ओंकार राऊत, अनुश्री माने, प्रभू शेळके, रोशन भजनकर आणि आयुष संजीव हे सदस्य घराबाहेर जाण्यासाठी नॉमिनेट झाले आहेत.

ऑनलाइन वोटिंग ट्रेंड्सनुसार, रोशन भजनकर आणि सचिन कुमावत यांना प्रेक्षकांची मोठी पसंती मिळत असून ते सुरक्षित असल्याचे चित्र आहे. राकेश बापट हा मोठा चेहरा असल्याने तो इतक्या लवकर बाहेर जाण्याची शक्यता कमीच असल्याचे म्हटले जात आहे. तसेच अनुश्री माने आणि दिपाली सय्यद यांची स्थितीही सध्या तरी स्थिर आहे.

वोटिंग ट्रेंड्समध्ये सर्वात शेवटी आयुष संजीव आणि ओंकार राऊत असल्याचे पाहायला मिळत आहे. मागच्या आठवड्यातही घराबाहेर जाण्याच्या प्रक्रियेत होते. या आठवड्यात मात्र, सोशल मीडियावर आयुष संजीवच्या नावाची जोरदार चर्चा सुरू झाली आहे.

सोशल मीडिया प्लॅटफॉर्म 'रेडिट'वरील एका चर्चेनुसार, आयुष संजीव या आठवड्यात घराबाहेर जाऊ शकतो. तर, काहींच्या मते ओमकार राऊत बाद होण्याची शक्यता अधिक आहे. आयुषला दुखापत झाल्याने तो घराबाहेर पडण्याची शक्यता असल्याचे म्हटले जात आहे. तर, दुसरीकडे सलग दुसऱ्या आठवड्यातही ओमकार राऊत हा डेंजर झोनमध्ये आहे. त्यामुळे तो घराबाहेर पडण्याची दाट शक्यता आहे. मात्र, अधिकृत घोषणा अद्याप झालेली नाही. त्यामुळे आयुष संजीव खरोखरच बाहेर पडणार की ओंकार राऊतचा प्रवास संपणार, हे 'भाऊचा धक्का' एपिसोडमध्येच स्पष्ट होईल.