Green Tea Side Effects : ग्रीन टी तुमचं लिव्हर तर डॅमेज करत नाहीये ना? वाचा डॉक्टरांनी नेमकं काय सांगितलं..

तुमच्या आहरात व्हिटॅमिन ईचं प्रमाण आधीच जास्त असेल तर तुम्ही ग्रीन टी जास्त पिणं हानिकारक ठरू शकत. यामुळं तुमच्या लिव्हरवर विपरित परिणाम होऊ शकतात. डर्मॅटोलॉजिस्ट डॉ. तन्वी वैद्य यांनी यासंदर्भात सविस्तर मार्गदर्शन केले आहे. डॉ. तन्वी वैद्य यांनी त्यांच्या इंस्टा अकाउंटवरून एक व्हिडिओ पोस्ट केला आहे. यात त्यांनी ग्रीन कोणत्या परिस्थितीत लिव्हरसाठी हानिकारक ठरू शकते याची माहिती दिली आहे.

डॉ. तन्वी वैद्य यांनी हे देखील स्पष्ट केले की, तुम्ही आधीच अ‍ॅस्पिरिनवर असाल किंवा ब्लड थिनर घेत असाल आणि त्यात तुम्ही अति प्रमाणात व्हिटॅमिन ई सप्लिमेंट घेतले तर तुमचं ब्लिडिंग रिस्क वाढू शकतं. तसेच तुमच्या शरीराला गरज नसताना तुम्ही अतिप्रमाणात व्हिटॅमिन ई घेतले तर त्यामुळे तुमच्या आट्रीज म्हणजेच धमन्या जाड होऊ शकतात. त्यामुळे सर्व सप्लिमेंट सर्वांनीच घेणं गरजेचं नसतं. तुम्हाला जेव्हा जेवढी गरज आहे, तेवढीच सप्लिमेंट घेणं फायदेशीर असतं. तसंच कोणतेही सप्लिमेंट घेण्याआधी तुमच्या डॉक्टारांचा सल्ला नक्की घ्या. डॉक्टरांच्या सल्ल्याशिवाय आहारात कोणताही मोठा बदल करू नका.

डॉ. तन्वी वैद्य यांनी सांगितलं की, तुम्हाला ऑनलाइन दिसणारा प्रत्येक सप्लिमेंट तुमच्या शरीराला खरोखर आवश्यक असतोच असे नाही. खरं तर, आजकाल क्लिनिकमध्ये आम्हाला ओव्हर-सप्लिमेंटेशन वाढताना दिसत आहे. लोक त्यांच्या कमतरता न समजून अनेक व्हिटॅमिन्स घेतात. परंतु जास्त प्रमाणातील सप्लिमेंट्स फक्त “शरीरातून बाहेर टाकले जातात” असे नाही. ते तुमच्या त्वचेवर, पचनसंस्थेवर आणि एकूण आरोग्यावरही परिणाम करू शकतात. सप्लिमेंट्स हे ट्रेंड म्हणून नाही, तर गरजेनुसार घ्यायला हवेत आणि शक्यतो डॉक्टरांच्या सल्ल्यानेच, असेही त्यांनी स्पष्ट केले.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.