Navi Mumbai: 68 कोटींचा पूल 8 महिन्यांत खचला, नवी मुंबईतला महत्त्वाचा मार्ग ठप्प, पुन्हा कधी सुरू होणार?

करळ फाटा ते जेएनपीए मार्ग हा कंटेनर वाहतुकीसाठी महत्त्वाचा आहे. या मार्गावरच सुमारे 700 मीटर लांबीचा आणि दुपदरी असलेला उड्डाणपूल आहे. हा पूल भारत मुंबई कंटेनर टर्मिनल (बीएमसीटी) म्हणजेच जेएनपीएच्या चौथ्या बंदराशी जोडण्यासाठी उभारण्यात आला होता. या प्रकल्पावर सुमारे 68 कोटी रुपये खर्च करण्यात आला असून काम राष्ट्रीय महामार्ग प्राधिकरणाकडे (NHAI) सोपविण्यात आले होते. मात्र जसखार-रत्नेश्वरी मंदिर परिसरात उड्डाणपुलाच्या काही भागाला तडे जाऊन तो खचल्याचे निदर्शनास आले आहे.

दरम्यान, जेएनपीए प्रशासनाने उड्डाणपुलाच्या दुरुस्तीचे काम तातडीने हाती घेतल्याची माहिती दिली आहे. तसेच तज्ज्ञांकडून पुलाची तपासणी करून पुढील कार्यवाही केली जाणार असल्याचेही सांगण्यात आले आहे.