मित्रांसोबत खेळण्यासाठी घराबाहेर पडला; आई-वडील वाट पाहात राहिले अन् पुण्याच्या श्रेयशसोबत घडली भयानक दुर्घटना

मिळालेल्या माहितीनुसार, श्रेयस शनिवारी दुपारी आपल्या मित्रांसोबत जय जवाननगर येथील डोंगराळ भागात खेळण्यासाठी गेला होता. खेळत असताना डोंगराच्या कडेला त्याचा अचानक तोल गेला आणि तो थेट खाली कोसळला. उंचावरून पडल्याने त्याच्या डोक्याला गंभीर दुखापत झाली. त्याला तातडीने जवळच्या रुग्णालयात हलवण्यात आले, मात्र दुर्दैवाने उपचारापूर्वीच त्याचा मृत्यू झाला. लक्ष्मीनगर (येरवडा) पोलिसांनी या प्रकरणी आकस्मिक मृत्यूची नोंद केली आहे.