आयुष्याची स्वप्नं पाहायच्या वयातच नियतीचा घाला; अवघ्या दीडशे रुपयांमुळे सार्थकचा जीव गेला, पुण्यात हळहळ!

सार्थक शेरकर (मूळ रा. पारनेर, सध्या रा. सरदवाडी) हा तरुण बुधवारी सायंकाळी साडेसातच्या सुमारास केडगाव चौफुला येथून आपले काम उरकून दुचाकीवरून घरी परतत होता. न्हावरे येथील हॉटेल महाराजाजवळ रस्त्याच्या कडेला उसाने भरलेली एक ट्रॅक्टर ट्रॉली उभी होती. अंधार असल्यामुळे आणि ट्रॉलीला पाठीमागून कोणतेही रिफल्केटर किंवा इंडिकेटर नसल्याने सार्थकला समोर उभी असलेली ट्रॉली दिसली नाही. त्याची दुचाकी वेगात थेट ट्रॉलीवर जाऊन आदळली.