कारमधून आले अन् लाखो रुपयांचा ऐवज घेऊन गेले, पुण्यात सराफ दुकानावर दरोडा

पोलिसांनी दिलेल्या माहितीनुसार, चोरटे एका कारमधून आले होते. त्यांनी पहाटेच्या वेळी शांततेचा फायदा घेत दुकानाचे कुलूप तोडून आत प्रवेश केला. दुकानातील सोने आणि चांदीचे लाखो रुपयांचे दागिने त्यांनी चोरून नेले.

घटनेची माहिती मिळताच शिरूर उपविभागीय पोलीस अधिकारी आणि शिरूर पोलीस तात्काळ घटनास्थळी दाखल झाले. पोलिसांनी पंचनामा केला असून, पुढील तपास सुरू आहे. या घटनेमुळे शहरातील व्यापाऱ्यांमध्ये भीतीचे वातावरण निर्माण झाले आहे. चोरट्यांचा शोध घेण्यासाठी पोलिसांची पथके रवाना झाली आहेत.