Pune Murder: आयुषच्या हत्येच्या दिवशी बंडू आंदेकर कुठे होता? कोर्टात आलं सत्य समोर, मोठी खळबळ

पुणे : पुण्यातील टोळी युद्धाने संपूर्ण राज्याला हादरवले आहे. माजी नगरसेवक वनराज आंदेकर याच्या हत्येचा बदला घेण्यासाठी आंदकर टोळीने आरोपी गणेश कोमकरचा मुलगा आयुष कोमकर याची गोळ्या झाडून हत्या केली. पुण्याच्या नाना पेठ येथील लक्ष्मी कॉम्प्लेक्समध्ये कोमकर कुटुंब राहत असलेल्या इमारतीच्या बेसमेंटमध्ये आयुष कोमकरवर दोघांकडून गोळ्या झाडण्यात आल्या. याप्रकरणी मुख्य आरोपी बंडू आंदेकरांसह 13 जणांवर गुन्हा दाखल करण्यात आला आहे. आज या प्रकरणी कोर्टात सुनावणी झाली. या सुनावणीत बंडू आंदेकरने मुलीने केलेले सर्व आरोप फेटाळले असून आम्हाला खोट गुंतवलं आहे आम्ही केरळला होतो, असा दावा केला आहे.

आयुष कोमकर हत्या प्रकरणी आज कोर्टात सुनावणी झाली. आयुष्य कोमकर हत्या प्रकरणातील मुख्य आरोपी बंडू आंदेकरसह सहा जणांना 15 सप्टेंबर पर्यंत पोलीस कोठडी सुनावण्यात आली आहे. बंडू आंदेकर, वृंदावनी वाडेकर, तुषार वाडेकर, स्वराज वाडेकर, अमन पठाण, सुजल मेरगु हे सहा आरोपी सध्या पोलीस कोठडीत आहे.