अक्षय तृतीयेला सोनं खरेदी करताना चुकवू नका 'हा' मुहूर्त, लग्नासाठीही हा दिवस ठरेल बेस्ट!

Akshaya Tritiya 2026 : हिंदू धर्मात साडेतीन मुहूर्तांपैकी एक पूर्ण मुहूर्त मानली जाणारी 'अक्षय्य तृतीया' 2026 मध्ये अत्यंत शुभ योगायोग घेऊन येत आहे. या दिवशी केलेले कोणतेही शुभ कार्य, दान किंवा खरेदी हे 'अक्षय' राहते, अशी धार्मिक श्रद्धा आहे. दरवर्षी वैशाख महिन्याच्या शुक्ल पक्षाच्या तिसऱ्या दिवशी अक्षय तृतीया साजरी केली जाते. हिंदू धर्मात अक्षय तृतीया हा एक अतिशय महत्त्वाचा दिवस मानला जातो. अक्षय तृतीयेचा दिवस इतका शुभ आणि पवित्र आहे की संपूर्ण दिवस शुभ कार्यक्रमांसाठी शुभ मानला जातो. म्हणून, कुंडली नसलेल्या लोकांसाठी अक्षय तृतीयेला लग्न करणे शक्य आहे. शिवाय, अक्षय तृतीयेला लग्न केल्याने आनंदी वैवाहिक जीवन मिळते असे मानले जाते. अक्षय्य तृतीयाला सोने खरेदी, लग्न, साखरपुडा, गृहप्रवेश समारंभ, नवीन उपक्रम सुरू करणे इत्यादींसाठी अत्यंत शुभ मानली जाते. ही शुभ कामे कोणत्याही शुभ मुहूर्ताशिवाय दिवसभर करता येतात. त्यामुळे यावर्षी 'अक्षय्य तृतीय' नेमकी कधी जाणून घेऊ.