स्वत:च्याच पैशांसाठी मागावी लागतेय भीक? आता असं नाही होणार, 'गुरू' मिळवून देईल पैसे

देवघर : ज्योतिषशास्त्रानुसार, सर्व ग्रह आपल्या एका ठराविक वेळेनंतर राशीप्रवेश करतात. त्यापैकी काही राशीप्रवेश शुभ मानले जातात तर काही अशुभ ठरतात. त्यामुळे एखादा ग्रह एखाद्या राशीत गेल्यानंतर काही राशींच्या व्यक्तींना सुखच सुख मिळतं, तर काही राशींच्या व्यक्तींच्या आयुष्यात अडचणींमागून अडचणी येतात.

अत्यंत शुभ मानला जाणारा गुरू ग्रह सध्या मेष राशीत आहे. अनेक राशींच्या व्यक्तींसाठी गुरूचा हा राशीप्रवेश शुभ ठरणार आहे. त्यामुळे या राशीच्या व्यक्तींचं नशीब अचानक पालटेल. झारखंडच्या देवघरचे ज्योतिषी आचार्य पंडित नंदकिशोर मुद्गल यांनी दिलेल्या माहितीनुसार, 1 महिना गुरू मेष राशीतच असणार आहे. त्याची दृष्टी तीन राशींवर पडेल आणि त्यांचं भाग्य उजळेल. या राशी आहेत सिंह, तूळ आणि मेष.