दिवा लावताना लांब की गोल वात वापरावी? ही चूक पडू शकते महागात, जाणून घ्या कधी कोणती वात वापरावी

लांब वातीचा दिवा प्रज्वलित करणे हे प्रगती आणि वाढीचे प्रतीक मानले जाते. शास्त्रांनुसार, लक्ष्मी माता, सरस्वती माता, दुर्गा माता यांसारख्या देवींची पूजा करताना नेहमी लांब वातीचा दिवा लावावा. तसेच कुलदेवतेच्या पूजेतही लांब वात वापरणे शुभ असते. असे मानले जाते की लांब वातीचा दिवा लावल्याने घरात लक्ष्मीचा कायमस्वरूपी वास राहतो आणि आर्थिक चणचण दूर होते. समाजात मान-सन्मान आणि यश मिळवण्यासाठी लांब वात अत्यंत प्रभावी मानली जाते. दक्षिण दिशेला तोंड करून पितरांच्या नावाने लांब वातीचा दिवा लावल्याने पितृदोष दूर होतो आणि पूर्वजांचा आशीर्वाद लाभतो अशी मान्यता आहे.

गोल वात किंवा 'फूल वात' ही स्थिरता आणि सात्विकतेचे प्रतीक आहे. ब्रह्मा, विष्णू, महादेव, इंद्रदेव किंवा इतर कोणत्याही देवतेच्या पूजेसाठी गोल वातीचा दिवा वापरला जातो. तसेच कोणत्याही मंदिरात किंवा तुळशीसमोर दिवा लावताना गोल वात वापरणे अधिक योग्य मानले जाते. गोल वातीचा दिवा लावल्याने मनातील अस्थिरता दूर होते आणि घरात शांतीचे वातावरण निर्माण होते. देवाप्रती तुमची भक्ती वाढवण्यासाठी आणि एकाग्रतेसाठी गोल वात मदत करते.

काही लोक चुकून कोणत्याही देवासमोर कोणतीही वात लावतात, मात्र शास्त्रात त्याबद्दल स्पष्ट नियम आहेत. लक्ष्मी किंवा कुलदेवीसमोर गोल वात लावल्याने घराची प्रगती खुंटू शकते, असे मानले जाते. त्यामुळे तिथे प्रगतीसाठी लांब वात वापरा. पितरांच्या नावाने कधीही गोल वात लावू नका, यामुळे घरात अडथळे येऊ शकतात. तिथे नेहमी लांब वातच असावी.