भारतातील 'या' मंदिरात बंद दरवाज्या मागे होते पूजा, पुजारी नाही मग कोण करत? आजही सुटलं नाहीये कोडं

स्थानिकांच्या मते, महाभारतातील पात्र अश्वत्थामा आजही या मंदिरात पूजेसाठी येतो. ही श्रद्धा स्थानिकांमध्ये दृढ आहे. लोक सांगतात की, किल्ल्याचे दरवाजे संध्याकाळी बंद केले जातात आणि सकाळी ११ च्या सुमारास पुन्हा उघडले जातात. या काळात कोणालाही आत प्रवेश करणे जवळजवळ अशक्य असते. पण सकाळी मंदिराचे दरवाजे उघडल्यावर एक आश्चर्यकारक गोष्ट घडलेली दिसून येते. शिवलिंगावर ताजी फुले वाहिलेली असल्याचे अनेकदा दिसून आले आहे. आता प्रश्न असा आहे की, आत कोणीही नसताना ही पूजा कोणी केली असेल? हीच गोष्ट या ठिकाणाला रहस्यमय बनवते. हा चमत्कार एकदोनदा घडलेला नसून हे दररोज घडत त्यामुळे इथल्या स्थानिकांची दृढ श्रद्धा अजूनही कायम आहे.

असीरगड किल्ल्याचा हा भाग अतिशय दुर्गम असून रात्री तिथे जाण्यास सक्त मनाई आहे. पुरातत्व विभागाने आणि स्थानिक प्रशासनाने अनेकदा या रहस्याचा छडा लावण्याचा प्रयत्न केला. रात्रीच्या वेळी सीसीटीव्ही कॅमेरे लावले गेले, पहारेकरी बसवले गेले, परंतु कॅमेऱ्यांमध्ये केवळ धुरकट आकृत्या किंवा तांत्रिक बिघाड झाल्याचे दिसून आले. धक्कादायक बाब म्हणजे, मंदिराच्या गाभाऱ्याचे दरवाजे कुलूपबंद असूनही सकाळी पूजा झालेली आढळते. काही संशोधकांचे मते, ही एखादी अदृश्य ऊर्जा असू शकते, तर भाविकांसाठी हा साक्षात ईश्वरी चमत्कार आहे.

मंदिराजवळच एक प्राचीन तलाव आहे, ज्याला 'शिवतालाब' म्हटले जाते. असे मानले जाते की अश्वत्थामा आधी या तलावात स्नान करतो आणि मगच महादेवाच्या पूजेला जातो. पर्यटकांच्या सुरक्षिततेसाठी रात्री या किल्ल्यात थांबणे कायद्याने गुन्हा आहे. स्थानिक लोक सांगतात की, ज्यांनी रात्री तिथे थांबण्याचा प्रयत्न केला, त्यांची मानसिक स्थिती बिघडली किंवा त्यांना विचित्र अनुभव आले. उन्हाळ्याच्या दिवसांतही या किल्ल्यातील गारवा आणि तिथली गूढ शांतता पर्यटकांना थक्क करून सोडते.