पुणे पोलीस भरती; मैदानी चाचणीआधी घेतलं शक्तीवर्धक पेय , काही वेळातच उमेदवारासोबत नको ते घडलं, अवस्था पाहून सगळे शॉक

संबंधित उमेदवाराने धावण्याच्या चाचणीत आपला वेग आणि शक्ती वाढवण्यासाठी अंमली स्वरूपाच्या किंवा अति-शक्तीवर्धक पेयाचे सेवन केले होते. सुरुवातीला त्याने आपली धावण्याची चाचणी यशस्वीपणे पूर्ण केली आणि तो मैदानातून बाहेरही पडला. मात्र, काही वेळातच त्या पेयाचा मेंदूवर विपरीत परिणाम झाला. तो तरुण अचानक ओरडू लागला आणि नियंत्रणाबाहेर जाऊन धिंगाणा घालू लागला. यामुळे मैदानावर उपस्थित इतर उमेदवार आणि पोलीस अधिकाऱ्यांमध्ये एकच खळबळ उडाली.