नाशिकमध्ये थंडीची लाट, बाप्पाही दिसले उबदार कपड्यांत, पंचवटीत भाविकांची गर्दी

रविवार कारंजा हा बाजारपेठेचा परिसर असून नेहमीच गजबजलेला असतो. लोकमान्य टिळकांनी गणेशोत्सवाला सार्वजनिक स्वरुप दिले. त्यात रविवार कारंजा मित्रमंडळानेही सक्रीय भाग घेतला. येथे 90 वर्षांपासून गणपती मंदिर आहे. पण 1978 साली या मंदिरात चांदीची मूर्ती बसविण्यात आली. या ठिकाणी मोठ्या जलोषत बाप्पाची मनोभावे पूजा केली जाते. हा बाप्पा भक्तांच्या नवसाला पावत असल्याची भावना भाविकांमध्ये आहे.

जसे आपल्याला थंडी वाजते तशी आपल्या बाप्पाला देखील वाजतच असणार अशी भाविकांची धारणा आहे. त्यामुळे थंडीच्या दिवसांत बाप्पांना शाल, स्वेटर अर्पण केले जाते. काही दिवसांनी तेच कपडे बाप्पांचा आशीर्वाद म्हणून घरी घेऊन जातात. यंदाच्या थंडीत देखील बाप्पाला रोज शाल, मखमली स्वेटर परिधान करून सायंकाळी सजवले जात असते. बाप्पाचे शाल, स्वेटर मधील सुंदर रूप पाहण्यासाठी रविवार कारंजा पंचवटी भागात नेहमी भाविकांची मोठी गर्दी होते.