आंधळ्याच्या डोळ्यात घातला बिबा..., संत सखूआईची अंगावर काटा आणणारी आख्यायिका, Video

याच पळसगाव येथील गुलाब पिंजारी नावाचा एक आंधळा व्यक्ती होता. तो ताजुद्दीन बाबांच्या प्रसिद्ध दरबारात गेला आणि दृष्टी येण्यासाठी मागणी घालू लागला. तेव्हा ताजुद्दीन बाबांनी "तू इथे काय करतोयस?तुझ्या गावातच माझी आई आहे. तिला भक्तीने ओळख आणि तिचे पाया पड." असे सांगितले. त्यांनतर आंधळा व्यक्ती पळसगावला येऊन सखूआईची सेवा करू लागला. त्यांनतर त्याला दृष्टीलाभ झाला असल्याचं मंदिर सचिव राजू आडकीने सांगतात.

श्री संत सखु आईच्या देवस्थानात नवरात्रोत्सव मोठ्या उत्साहात आनंदात आणि जल्लोषात साजरा केला जातो. वेगवेगळ्या कार्यक्रमांचा आयोजन केलं जातं. विशेष म्हणजे या ठिकाणी शेकडो अखंड ज्योती लावल्या जातात. पळसगावसह वर्धा जिल्ह्यातील अनेक गावखेड्यातील भाविक या ठिकाणी कार्यक्रमांमध्ये सहभाग नोंदवतात.

वर्धा शहरापासून अंदाजे 45-50 किलोमीटर अंतरावर पळसगाव आहे. सखूआईच्या दर्शनासाठी विदर्भच नाही तर महाराष्ट्रातील कानाकोपऱ्यातून भाविक येतात. गावात सखू आईच्या प्रकट दिनानिमित्त भव्य यात्रा असते. दरम्यान सर्व गावकरी एकत्रित येऊन उत्सव साजरा करतात. वेगवेगळ्या दिंड्या, भजन मंडळी, सहभागी होतात. दहीहंडी, कीर्तन, रिंगण यासारखे कार्यक्रम होतात. श्री संत सखुबाईच्या चरणी नतमस्तक होऊन आपल्या मनोकामना सांगितल्याने आई त्या इच्छा पूर्ण करते, अशी भाविकांची श्रद्धा आहे. त्यामुळे दरवर्षी हजारो भाविक याठिकाणी भेटी देतात.