मुक्तकेशी श्रीराम अन् मांडीवर बसलेली सीतामाता, 'या' मंदिरातील अनोखी मूर्ती पाहिलीये का?, Video

या राम मंदिरामध्ये स्वतः रामचंद्रांच्या आयुष्यामध्ये एक अतिशय अद्वितीय असा प्रसंग भक्तांना पाहायला मिळतो. मंदीरात मुक्तकेशी अर्थात मोकळे सोडलेले प्रभू श्री रामचंद्र आणि त्यांच्या वामांगावर अर्थात त्यांच्या डाव्या मांडीवर बसलेली सीतामाता आहे. हे शिल्प वालुकामय पाषाणात घडवलेले एक शिल्प म्हणजे जणू वनवासात असलेल्या प्रभू रामचंद्र आणि सीतेच्या प्रेमभाव प्रसंगाची आठवण करून देणारे शिल्प आहे. खरंतर प्रभू रामचंद्र सम्राट होते. त्यामुळेच सर्वत्र आपल्याला कोदंडधारी म्हणजेच धनुष्य धारण केलेल्या रामचंद्रांची मूर्ती पाहायला मिळते. पण प्रकृती आणि पुरुष जे दोन विश्वाचे मूल तत्त्व आहेत. त्या तत्त्वाचे एकरूपत्व दाखवणारेच असे हे एक अद्वितीय शिल्प असल्याचे राणिंगा सांगतात.

या मंदिरातील मूर्ती ही वालुकामय काळ्या पाषाणात कोरण्यात आलेली आहे. मूर्तीशास्त्राच्या अभ्यासानुसार किमान तीनशे ते साडेतीनशे वर्ष जुने हे मंदिर असावे. परंतु वालुकामय असल्यामुळे या शिल्पाची बरीचशी झिज झालेली पाहायला मिळते. मंदिरात प्रवेश करताच सभा मंडपातून पुढे दोन पायऱ्या चढून वर गेल्यानंतर गाभाऱ्यात प्रवेश करता येतो. गाभाऱ्यात चौथ्यावर चार खांबांवर उभा एक मंडप आहे. याच्याच मध्यभागी प्रभू श्रीराम आणि सीता मातेची मूर्ती स्थापित करण्यात आली आहे. शेजारीच हनुमंताची मूर्ती देखील पाहायला मिळते, अशी माहिती देखील राणिंगा यांनी दिली आहे.

दरम्यान या अनोख्या मूर्तीचे आणि मंदिराचे हे वैशिष्ट्य जाणून घेतल्यानंतर मंदिराला एकदा नक्की भेट दिली गेली पाहिजे. तरच हे प्रभू श्रीरामांचे वैशिष्ट्यपूर्ण दर्शन मिळू शकेल.