Trending:

Sanju Samson साठी CSK चं स्पेशल ट्विट! ट्रेड डील सुरू असताना दोन वाक्यात विषय संपवला

Published by:Saurabh Talekar

Last Updated:November 11, 2025 9:36 AM IST

Sanju Samson Birthday : एकीकडे ट्रेड डीलची चर्चा होत असताना चेन्नई सुपर किंग्जने संजू सॅमसनसाठी पोस्ट केली आहे. संजू सॅमसनचा आज वाढदिवस आहे.

इम्पॅक्ट शॉटतुमचा गेटवे लेटेस्ट न्यूज

Chennai Super Kings Post On Sanju Samson Birthday gives super wishes

Sanju Samson CSK Trade Deal : आगामी आयपीएलकडे संपूर्ण क्रिकेट प्रेमींचं लक्ष लागून राहिलं आहे. पुढील महिन्यात या 19 व्या सीजनसाठी मिनी ऑक्शन पार पडेल. अशातच राजस्थान रॉयल्सचा कर्णधार संजू सॅमसन हा आगामी सीजनमध्ये राजस्थानकडून खेळणार नाही. संजू सॅमसन चेन्नई सुपर किंग्जसोबत खेळण्याची शक्यता आहे. 18 कोटीच्या या प्लेयरला राजस्थान ट्रेड करणार असताना आता चेन्नई सुपर किंग्जचा पोस्टची चर्चा होताना दिसत आहे.

संजूच्या वाढदिवसानिमित्त सीएसकेचं ट्विट

एकीकडे ट्रेड डीलची चर्चा होत असताना चेन्नई सुपर किंग्जने संजू सॅमसनसाठी पोस्ट केली आहे. संजू सॅमसनचा आज वाढदिवस आहे. वाढदिवसानिमित्त सीएसकेने ट्विट केलं. संजू, तुला आणखी शक्ती मिळो! तुला वाढदिवसाच्या खूप खूप शुभेच्छा, असं सीएसकेने ट्विटमध्ये म्हटलं आहे. ट्विट करताना संजू सॅमसनने Super birthday अशी टर्म वापरली आहे. त्यामुळे आता अनेकांच्या भूवया उंचावल्या आहेत.

More power to you, Sanju! Wishing you a super birthday! #WhistlePodu pic.twitter.com/f2lE6pWkPy

— Chennai Super Kings (@ChennaiIPL) November 11, 2025

डेवाल्ड ब्रेव्हिसची मागणी

जडेजा आणि सॅमसन हे दोन्ही खेळाडू 18 कोटी रुपयांचे खेळाडू आहेत आणि हा करार आतापर्यंत पूर्ण व्हायला हवा होता. परंतु, राजस्थान रॉयल्सला हा केवळ सरळ अदलाबदल मान्य नसल्याचं समजतंय. राजस्थान रॉयल्स कराराचा एक भाग म्हणून जडेजासह दक्षिण आफ्रिकेचा युवा खेळाडू डेवाल्ड ब्रेव्हिसची मागणी केल्याची माहिती मिळाली आहे. राजस्थानचे मालक मनोज बदळे मुंबईत असून त्यांच्या वाटाघाटी सुरू आहेत.

चेन्नई सुपर किंग्जकडे जाणार?

दरम्यान, संजूचा जन्म 11 नोव्हेंबर 1994 रोजी केरळमधील (Kerala) तिरुवनंतपुरम जिल्ह्यातील पुलुविल गावात झाला होता. संजू सॅमसन हा आयपीएलमध्ये राजस्थान रॉयल्सचा कर्णधार आहे आणि देशांतर्गत क्रिकेटमध्ये तो केरळ संघाचे प्रतिनिधित्व करतो. आता आयपीएल ऑक्शनआधी संजू सॅमसन चेन्नई सुपर किंग्जकडे जाणार का? असा सवाल विचारला जात आहे.

view comments

Location :

Mumbai,Maharashtra

First Published :

November 11, 2025 9:36 AM IST

Sanju Samson साठी CSK चं स्पेशल ट्विट! ट्रेड डील सुरू असताना दोन वाक्यात विषय संपवला