दिल्लीहून पुण्याला येणाऱ्या विमानाच्या टॉयलेटमध्ये आढळलं असं काही; फ्लाईटमध्ये उडाली खळबळ, लँडिंग होताच...

सुरक्षित लँडिंग आणि तपासणी: इंडिगोच्या प्रवक्त्याने दिलेल्या माहितीनुसार, विमानातून सर्व प्रवासी आणि क्रू मेंबर्सना सुरक्षितपणे बाहेर काढण्यात आलं. त्यानंतर विमानाला एका वेगळ्या भागात नेऊन बॉम्ब शोधक आणि नाशक पथकाकडून सखोल तपासणी करण्यात आली. सुदैवाने, तपासणीत कोणतीही स्फोटक वस्तू आढळली नाही, ज्यामुळे प्रशासनाने सुटकेचा नि:श्वास सोडला.

धमक्यांचे सत्र सुरूच: गेल्या काही दिवसांत इंडिगोच्या विमानांना मिळणाऱ्या या बनावट धमक्यांचे सत्र वाढले आहे. याआधीही दिल्ली-बागडोगरा विमानाला अशीच धमकी मिळाल्याने त्याचे लखनऊमध्ये आपत्कालीन लँडिंग करावे लागले होते. या वारंवार मिळणाऱ्या धमक्यांमुळे विमान वाहतूक सुरक्षेचा प्रश्न पुन्हा एकदा चर्चेत आला आहे. पुणे विमानतळ पोलिसांनी याप्रकरणी अज्ञात व्यक्तीविरुद्ध गुन्हा दाखल केला असून, चिठ्ठी कोणी ठेवली याचा शोध सीसीटीव्ही आणि प्रवाशांच्या यादीवरून घेतला जात आहे.