Ricky Pointing : वर्ल्ड कप फायनलच्या बॅटमध्ये स्प्रिंग होती? प्रश्न ऐकून पॉन्टिंग भडकला, थेट बॅट उगारली, Video

रिकी पॉन्टिंगच्या या मॅच विनिंग खेळीबद्दल त्याला प्लेअर ऑफ द मॅच देऊन गौरवण्यात आलं, पण पॉन्टिंगच्या या खेळीनंतर भारतामध्ये नवा वाद निर्माण झाला होता. रिकी पॉन्टिंगच्या बॅटमध्ये स्प्रिंग होती, अशा अफवा भारतीय क्रिकेट चाहत्यांमध्ये पसरल्या होत्या.

2003 वर्ल्ड कपच्या 23 वर्षांनंतर रिकी पॉन्टिंगला बॅटमध्ये स्प्रिंग होती का? असा प्रश्न विचारण्यात आला. यावर रिकी पॉन्टिंग संतापला आणि त्याने थेट बॅटच उगारली. पंजाब किंग्सने त्यांच्या इन्स्टाग्राम अकाऊंटवरून हा व्हिडिओ शेअर केला आहे. ऑस्ट्रेलियाने दिलेल्या 359 रनच्या आव्हानाचा पाठलाग करताना टीम इंडियाचा 234 रनवर ऑलआऊट झाला होता. विरेंद्र सेहवागने 82, राहुल द्रविडने 47, गांगुली आणि युवराजने प्रत्येकी 24-24 रनची खेळी केली होती.

रिकी पॉन्टिंग हा पंजाब किंग्सचा प्रशिक्षक असून तो सध्या आयपीएल 2026 साठी भारतात आहे. पंजाब किंग्सचं नेतृत्व श्रेयस अय्यर करत आहे. श्रेयस अय्यर आणि रिकी पॉन्टिंगच्या जोडीने पंजाब किंग्सला मागच्या मोसमात आयपीएल फायनलमध्ये पोहोचवलं होतं, पण आरसीबीविरुद्ध फायनलमध्ये पंजाबला पराभवाचा धक्का बसला होता.