ऑस्ट्रेलियामध्ये मला जेवणातून विष देण्यात आले; खेळाडूच्या दाव्याने एकच खळबळ

नोव्हाकच्या या दाव्यानंतर ऑस्ट्रेलियाच्या गृह मंत्रालयाच्या प्रवक्त्याने सांगितले की, गोपनीयतेच्या कारणास्तव मी या प्रकरणांवर भाष्य करू शकत नाही. दरम्यान सरकारचे म्हणणे आहे की, ज्या पार्क हॉटेलमध्ये नोव्हाकला ठेवण्यात आले होते, तिथे प्रत्येकाला ताजे शिजवलेले लंच आणि डिनर दिले जात होते.

नोव्हाकला हॉटेलमध्ये ताब्यात ठेवण्यात आले होते कारण ऑस्ट्रेलिया थांबण्यासाठी त्याची कायदेशीर लढाई लढत होते. नोव्हाकने कोविड-19 चाचणी करण्यास नकार दिला होता. त्यामुळे त्याला हॉटेलमध्ये ठेवण्यात आले होते. नोव्हाकला हॉटेलमध्ये ब्रेड, नूडल्स, चहा आणि कॉफी यासारख्या नाश्त्याचे पदार्थ दिले जात होते. मात्र, त्यामध्ये विष होते की नाही हे तिथले अधिकारीच सांगू शकतील, असे गृह मंत्रालयाच्या प्रवक्त्याने म्हटले.

सर्बियाच्या नोव्हाकच्या नावावर २४ ग्रँडस्लॅम स्पर्धा जिंकण्याचा विक्रम आहे. पुरुषांच्या टेनिसमध्ये तो १३ वेगवेगळ्या वर्षात विक्रमी ४२८ आठवडे अव्वल स्थानी होता.