IND vs NZ : मोठ्या घोडचुकीमुळे 'प्रसिद्ध' झाला कृष्णा, टीम इंडियाच्या 10 खेळाडूंनी लावला डोक्याला हात!

राजकोट : न्यूझीलंडविरुद्धच्या दुसऱ्या टी-20 सामन्यात टीम इंडियाच्या बॅटिंगनंतर बॉलिंगही अपयशी ठरली आहे. 285 रनचं आव्हान वाचवत असताना टीम इंडियाची फिल्डिंगही निराशाजनक झाली आहे. प्रसिद्ध कृष्णाने न्यूझीलंडच्या डॅरेल मिचेल याचा अगदी सोपा कॅच सोडला. डॅरेल मिचेल 80 रनवर असताना कृष्णाने ही चूक केली. प्रसिद्ध कृष्णाने दिलेल्या या जीवनदानाचा मिचेलने फायदा उचलला आणि त्याचं शतक पूर्ण केलं. डॅरेल मिचेलचं हे वनडे क्रिकेटमधलं हे 8 वे शतक होते. डॅरेल मिचेलने 117 बॉलमध्ये नाबाद 131 रन केले. मिचेलच्या या शतकामुळे न्यूझीलंडचा 7 विकेटने विजय झाला आहे. याचसोबत न्यूझीलंडने 3 वनडे मॅचच्या या सीरिजमध्ये 1-1 ने बरोबरी साधली आहे.