हार्दिकचा भर मैदानात कार्तिकसोबत मॅटर, हातात बॅट घेऊन तावातावाने बोलला, Video

हा व्हिडिओ प्रेक्षकांनी स्टँडमधून रेकॉर्ड केला आहे. पण यामध्ये कोणताही ऑडिओ नाही. व्हिडिओमध्ये फक्त मैदानाचा आवाज ऐकू येत आहे.

व्हिडिओमध्ये हार्दिक पांड्या त्याची प्रॅक्टिस किट, बॅट आणि ग्लोव्हज हातात घालून मैदानावर येत असल्याचे दिसून येत आहे. त्यानंतर तो कॉमेंटेटरच्या ड्युटीवर असलेल्या मुरली कार्तिकला भेटला. दोघांनी हस्तांदोलन केले आणि नंतर काही वेळ गप्पा मारल्या. व्हिडिओमध्ये मुरली कार्तिक हार्दिकला काहीतरी समजावून सांगत असल्याचे आणि त्याला शांत करण्याचा प्रयत्न करत असल्याचे दिसून येत आहे. पण, संभाषणादरम्यान काय बोलले गेले हे स्पष्ट नाही. हार्दिक पांड्याच्या देहबोलीचे निरीक्षण करून, सोशल मीडिया यूजर्सनी याला वादाचे कारण दिले आणि अंदाज लावण्यास सुरुवात केली.

हार्दिक पांड्याला या सामन्यात बॅटिंगची संधी मिळाली नाही, कारण सूर्यकुमार यादव आणि इशान किशनने धमाकेदार अर्धशतकं केली. बॉलिंगमध्ये मात्र हार्दिकने उत्कृष्ट कामगिरी केली. 3 ओव्हरमध्ये त्याने 25 रन दिल्या आणि एक विकेट घेतली.

कर्णधार सूर्यकुमार यादवने नाबाद 82 रन आणि इशान किशनने 76 रन केल्यामुळे टीम इंडियाने हा सामना 28 बॉल शिल्लक असताना 7 विकेटनी विजय मिळवला. या सामन्यात न्यूझीलंडने 208 रन करून 6 विकेट गमावल्या. याचा पाठलाग टीम इंडियाने 3 विकेट गमावून फक्त 15.2 ओव्हरमध्ये केला. याचसोबत भारताने सीरिजमध्ये 2-0 ने आघाडी घेतली आहे.