IND vs WI : बोरीवलीच्या चाळीतला पोरगा बनला वेस्ट इंडिजची ताकद, भारताविरूद्धची मॅच जिंकवण्यासाठी उचलतोय मोठा वाटा

खरं तर वेस्ट इंडिज संघाला वानखेडेवर सराव करण्यासाठी एका थ्रोडाऊन स्पेशालीस्टची आवश्यकता होती.त्यामुळे त्यांनी मुंबई क्रिकेट असोसिएशनच्या एका अधिकाऱ्याकडे थ्रोडाऊन स्पेशालीस्ट मागणी केली होती.त्यानुसार मुंबई क्रिकेट असोसिएशनच्या एका अधिकाऱ्याने अभिषेक जैनला फोन केला होता. ज्यावेळेस त्याला हा फोन येणार होता, त्यावेळेस तो आपल्या बोरीवलीजवळील दहिसरच्या भाड्याच्या चाळीत आराम करत होता. या दरम्यान अचानक त्यांचा फोन वाजला आणि समोरून एमसीएच्या अधिकाऱ्याने, 'वेस्ट इंडिजच्या संघाला बॉल टाकणार का?'यावेळी अभिषेकने क्षणाचाही विलंब न लावता होकार दिला. त्यानंतर त्याला उद्या सकाळी आठ वाजता बोलावण्या आलं.

दरम्यान वेस्ट इंडिज संघाला बॉलिंग करायची संधी मिळाल्याने तो प्रचंड उस्ताहीत होता. आणि दुसऱ्या दिवशी सकाळी बोरीवलीहून लोकल ट्रेन पकडून चर्चगेटला पोहोचला होता. त्यानंतर वेस्ट इंडिजचे मुख्य प्रशिक्षण डॅरेन सॅमीने बॉल कुठे टाकायचा हे सांगितले. अभिषेकने मान हलवली आणिू सूरूवात केली.

अभिषेकने पहिला बॉल शेफर्ड रूदरफोर्डला टाकला.त्याची ही बॉलिंग पाहून डॅरेन सेमी प्रभावीत झाला होता. तसेच वेस्ट इंडिजच्या प्रत्येक खेळाडूने 15-20 मिनिटे फलंदाजी केली. माझे बहुतेक बॉल अचूकपणे उतरले.रदरफोर्डने चांगली फलंदाजी केली. या सर्वांमध्ये, हेटमायरने सर्वात मोठे शॉट्स मारले, परंतु मी त्याला अनेक वेळा हरवण्यात यशस्वी झालो," अभिषेकने टाइम्स ऑफ इंडिया डॉट कॉमला एका खास मुलाखतीत सांगितले.

सॅमी सर खूप आनंदी झाले. त्यांनी एका व्यवस्थापकाला फोन केला आणि सांगितले, 'या मुलाला दररोज फोन करा.' त्यांनी त्यांना आगामी सराव सत्रांसाठी मला रोस्टरमध्ये ठेवण्यास सांगितले," असे अभिषेक म्हणाला.

अभिषेक त्याच्या धाकट्या भावासोबत दहिसरमधील एका चाळीत राहतो.त्याचा भाऊ वकिली करतो आणि त्याचा सर्व शैक्षणिक खर्च अभिषेक करतो.अभिषेकचे आई वडील मध्यप्रदेशात राहतात. मी इथे राहतो आणि माझ्या भावाची आणि त्याच्या शिक्षणाची काळजी घेतो. मी माझ्या पालकांना पैसे देखील पाठवतो. घरभाडे देणे, माझ्या पालकांना आधार देणे,माझ्या भावाचे शिक्षण सांभाळणे, या सगळ्या जबाबदाऱ्या माझ्या खांद्यावर आहेत.