WTC 2025 : ऑस्ट्रेलियाच्या पराभवासाठी IPL जबाबदार? फायनल गमावताच आरोप, दिग्गजांनी साधला स्टार खेळाडूवर निशाणा
- Published by:Manasee Dhamanskar
Last Updated:
SA vs AUS : 2023-25 च्या जागतिक कसोटी अजिंक्यपद स्पर्धेचा अंतिम सामना ऑस्ट्रेलिया आणि दक्षिण आफ्रिका यांच्यात खेळला गेला. या सामन्यात ऑस्ट्रेलियाला पराभवाचा सामना करावा लागला आणि आफ्रिकेने 27 वर्षांच्या प्रतीक्षेनंतर आयसीसीचे जेतेपद जिंकले.
SA vs AUS : 2023-25 च्या जागतिक कसोटी अजिंक्यपद स्पर्धेचा अंतिम सामना ऑस्ट्रेलिया आणि दक्षिण आफ्रिका यांच्यात खेळला गेला. या सामन्यात ऑस्ट्रेलियाला पराभवाचा सामना करावा लागला आणि आफ्रिकेने 27 वर्षांच्या प्रतीक्षेनंतर आयसीसीचे जेतेपद जिंकले. या पराभवानंतर अनेक ऑस्ट्रेलियन खेळाडू त्यांच्या दिग्गजांच्या निशाण्यावर आले आहेत. ज्यामध्ये ऑस्ट्रेलियाचा माजी वेगवान गोलंदाज मिशेल जॉन्सनचेही नाव आहे. मिशेल जॉन्सनने एका स्टार गोलंदाजावर जोरदार टीका केली आहे आणि त्याच्या निष्ठेवर प्रश्नचिन्ह उपस्थित केले आहे.
मिचेल जॉन्सनने या खेळाडूवर प्रश्न उपस्थित केले
मिचेल जॉन्सनने त्याचा सहकारी जोश हेझलवूडवर टीका केली आहे आणि राष्ट्रीय संघाप्रती त्याची वचनबद्धता असायला हवी का असा प्रश्न उपस्थित केला आहे. खरं तर, जॉन्सनने हेझलवूडच्या WTC फायनलपूर्वी इंडियन प्रीमियर लीगला प्राधान्य देण्याच्या निर्णयावर नाराजी व्यक्त केली आहे. त्याला वाटते की या निर्णयामुळे क्रिकेट चाहते आणि तज्ञांमध्ये हेझलवूडच्या निष्ठेबद्दल प्रश्न निर्माण होऊ शकतात.
advertisement
भारत आणि पाकिस्तानमधील तणावामुळे आयपीएल पुढे ढकलण्यात आल्यानंतर पुन्हा सुरू झालेल्या आयपीएलमध्ये हेझलवूड भारतात परतण्याचा निर्णय घेतलेल्या खेळाडूंमध्ये होता. रॉयल चॅलेंजर्स बंगळुरूकडून खेळताना त्याने या हंगामात शानदार कामगिरी केली आणि 22 विकेट्स घेतल्या. आरसीबीने आयपीएलच्या अंतिम सामन्यात पंजाब किंग्जचा पराभव करून पहिल्यांदाच विजेतेपद जिंकले, ज्यामध्ये हेझलवूडने पंजाबचा आक्रमक सलामीवीर प्रियांश आर्यला पॅव्हेलियनमध्ये पाठवून महत्त्वाची भूमिका बजावली. तथापि, जॉन्सन म्हणतो की या काळात हेझलवूडने राष्ट्रीय संघाच्या तयारीकडे दुर्लक्ष केले.
advertisement
जोश हेझलवूडवर साधला निशाणा
लॉर्ड्सवर खेळल्या गेलेल्या WTC फायनलमध्ये हेझलवुड ऑस्ट्रेलियन वेगवान गोलंदाजीचा एक महत्त्वाचा खेळाडू होता. पण आफ्रिकेविरुद्धच्या या सामन्यात तो फक्त दोन विकेट घेऊ शकला. अशा परिस्थितीत, जॉन्सनने वेस्ट ऑस्ट्रेलियनमध्ये लिहिले की, 'अलिकडच्या काळात आम्हाला हेझलवुडच्या तंदुरुस्तीच्या समस्या दिसल्या आहेत. राष्ट्रीय संघाची तयारी करण्याऐवजी इंडियन प्रीमियर लीगमध्ये परतण्याला प्राधान्य देण्याच्या त्याच्या निर्णयाने लोकांना आश्चर्य वाटले आहे. हेझलवुड ऑस्ट्रेलियन संघात सामील होणारा शेवटचा खेळाडू होता, त्याच्याशिवाय इतर सर्व खेळाडू आधीच इंग्लंडला आले होते.
Location :
Mumbai,Maharashtra
First Published :
June 16, 2025 9:41 AM IST
मराठी बातम्या/स्पोर्ट्स/
WTC 2025 : ऑस्ट्रेलियाच्या पराभवासाठी IPL जबाबदार? फायनल गमावताच आरोप, दिग्गजांनी साधला स्टार खेळाडूवर निशाणा
