Rashid Khan : 'रमजानच्या पवित्र महिन्यात जर...', पाकिस्तानच्या हल्ल्यात 400 जणांचा मृत्यू, राशीद खान भडकला! 'मी माझ्या देशासाठी...'

Published by:Saurabh Talekar

Last Updated:Mar 17, 2026 9:57 AM IST

Rashid Khan On Pakistan airstrike : पाकिस्तानच्या काबूल हल्ल्यात 400 जणांचा मृत्यू झाल्यानंतर राशीद खान संतापला. "रमजानमध्ये निश्पापांचा बळी हा युद्ध गुन्हा आहे" असं राशीद म्हणाला. संयुक्त राष्ट्रांना चौकशीचं आवाहन केलं.

इम्पॅक्ट शॉटतुमचा गेटवे लेटेस्ट न्यूज

Rashid Khan Reaction at Pakistan airstrike on Kabul Hospital

Pakistan Airstrike In Kabul : एकीकडे अमेरिका आणि इराण यांच्यातील युद्धाने जगाला टेन्शन दिलं असताना दुसरीकडे पाकिस्तानने सोमवारी रात्री पुन्हा एकदा अफगाणिस्तानवर हवाई हल्ला केला आहे. स्थानिक माध्यमांनुसार, पाकिस्तानी हवाई दलाच्या लढाऊ विमानांनी राजधानी काबूलमधील अनेक भागांना लक्ष्य केलं अन् यात 400 अफगाणी लोकांचा मृत्यू झाला, तर 250 हून अधिक लोक जखमी झाले आहेत. पाकिस्तानने एका हॉस्पिटलवर हल्ला केला अन् निश्पाप लोकांचा बळी घेतलाय. त्यामुळे आता अफगाणिस्तानचा स्टार क्रिकेटर राशीद खान संतापल्याचं पहायला मिळतंय.

पाकिस्तानचा काबूलवर हवाई हल्ला — 400 जणांचा मृत्यू

पाकिस्तानच्या या नापाक कृत्यानंतर राशीद खान याने सोशल मीडियावर संताप व्यक्त केला. काबूलमध्ये पाकिस्तानी हवाई हल्ल्यांमुळे झालेल्या नागरिकांच्या मृत्यूच्या ताज्या वृत्तांमुळे मला खूप दुःख झालंय. जाणूनबुजून किंवा चुकून, नागरिकांची घरे, शैक्षणिक सुविधा किंवा वैद्यकीय पायाभूत सुविधांना लक्ष्य करणं हा युद्ध गुन्हा आहे, असं राशीद खान म्हणाला. विशेषतः रमजानच्या पवित्र महिन्यात मानवी जीवनाची केलेली अवहेलना ही वेदनादायक आणि गंभीर चिंताजनक आहे, असंही राशीद यावेळी म्हणाला.

I am deeply saddened by the latest reports of civilian casualties as a result of Pakistani airstrikes in Kabul. Targeting civilian homes, educational facilities or medical infrastructure, either intentional or by mistake, is a war crime. The sheer disregard for human lives,… pic.twitter.com/DbFRRh2qAJ

— Rashid Khan (@rashidkhan_19) March 16, 2026

राशीद खानचा संताप — 'हा युद्ध गुन्हा आहे!'

पाकिस्तानच्या अशा कृतीमुळे केवळ फूट आणि द्वेष निर्माण होईल. मी संयुक्त राष्ट्र आणि इतर मानवाधिकार संस्थांना या नवीनतम अत्याचाराची सखोल चौकशी करण्याचे आणि गुन्हेगारांना जबाबदार धरण्याचं आवाहन करतो. या कठीण काळात मी माझ्या अफगाण लोकांसोबत उभा आहे. आपण बरं होऊ आणि एक राष्ट्र म्हणून आपण उठू. आपण नेहमीच असे करतो. इन्शाअल्लाह, असं राशीद खानने सोशल मीडियावर केलेल्या पोस्टमध्ये म्हटलं आहे.

IPL 2026 : वर्ल्ड कपचं गिफ्ट मिळणार? संजू सॅमसन होणार CSK चा कॅप्टन? 'चेता'ने दोनच वाक्यात विषय संपवला!

पाकिस्तानचं 'गजब-लिल-हक' ऑपरेशन

दरम्यान, पाकिस्तानने रविवारी रात्रीभरही कंधार प्रांतात हवाई हल्ले करून दहशतवादी ठिकाणांना लक्ष्य केल्याचा दावा केला होता. पाकिस्तानने ही कारवाई 'गजब-लिल-हक' ऑपरेशन अंतर्गत केली. याला अफगाणिस्तानच्या तालीबानी सरकारने प्रत्युत्तर देखील दिलं आहे. अफगाणिस्तानने पाकिस्तानच्या लष्करी तळावर हल्ला केला अन् पाकिस्तानला पुन्हा बॅकफुटवर आणलं. तर शुक्रवारी रात्री अफगाणिस्तानकडून ड्रोन हल्ला करण्यात आला होता.

view comments

Location :

Mumbai,Maharashtra

First Published :

Mar 17, 2026 9:57 AM IST

Rashid Khan : 'रमजानच्या पवित्र महिन्यात जर...', पाकिस्तानच्या हल्ल्यात 400 जणांचा मृत्यू, राशीद खान भडकला! 'मी माझ्या देशासाठी...'